17༼བརྩེ་དུང་འདི་སུས་ཡིན༽
2010-07-09 15:16
༼བརྩེ་དུང་འདི་སུས་ཡིན༽
བརྩེ་དུང་འདི་ཅི་ཡིན
འདིའི་དོན་དུ་བཙུན་པ་མང་བོ་གྲྭ་ལོག་བྱས
སློབ་མ་མང་བོ་སློབ་བྱོལ་བྱས
དགུན་ཟླ་དབྱར་ཟླ་ལ་སླེབས་ཀྱང
ས་གཞི་ལྗང་ཁུ་རུ་གྱུར་ཀྱང
བརྩེ་དུང་འདི་ད་དུང་འདོད་ཆགས་ཀྱི་ཁོང་གསེང་ན་་་་་་་
གྲང་འདར་རྒྱག་གིན་འདུག
བརྩེ་དུང་འདི་སུས་ཡིན
བརྩེ་དུང་འདི་ཅི་ཡིན
འདིའི་དོན་དུ་ཕྱིར་དྲན་ལ་ཁ་གྲངས་མེད
རྨ་ཁ་ལ་ན་ཟུག་མེད
རེ་སྒུག་གི་མིག་ཟུང་རྒྱང་ལ་འཁོར་ནས
དྲན་གདུང་གི་རྦ་སྐྱོ་གར་སེམས་ནས་འཁྲབ་ཀྱང
བརྩེ་དུང་འདི་ད་དུང་མི་རྟག་པའི་འཇིག་རྟེན་ན་་་་་་་
གྲོང་ངེར་འགྱིང་འདུག
བརྩེ་དུང་འདི་སུས་ཡིན
བརྩེ་དུང་འདི་ཅི་ཡིན
འདིའི་དོན་དུ་གསར་བུ་ཚོས་བླ་སྲོག་ཤོར་བའི་ལོ་རྒྱུས་ཡོད་ལ
གསར་མོ་ཚོས་རང་སྲོག་བཅད་པའི་བཤད་སྲོལའང་མང་བོ་ཡོད
ལང་ཚོ་དང་འཛུམ་མདངས་ཉམས་ནས
གཟི་བརྗིད་དང་སྙན་གྲགས་ཡལ་ཡང
བརྩེ་དུང་འདིའི་དོན་དུ་ཅི་ཡང་བསྐྱུར་མཁན་མང་ལ་བསྒྲུབ་མཁན་ཡང་མང
2009ལོར་ཟླ9བའི་ཚེས་6ཉིན
评论